Bagong Landas

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Ngayong 2012, hiling ko sa Diyos ay sana gabayan nya ‘ko sa bagong landas na dapat noong 2009 pa lang ay tinahak ko na. Masyado kasi akong nagpatali sa aking nakaraan at masyado ko ring dinamdam ang aking naging kapansanan. Kaya naman tuloy, ako’y napag-iwanan.

Meron nga akong mga pangarap sa buhay pero wala naman akong ginagawa, wala rin akong makukuha. Kaya naman hiling ko rin sa Diyos na sana bigyan nya ‘ko ng suwerte na makakuha ng trabaho kahit na ako ay may kakulangan. Para sa lahat ng aking mga kakilala, online at offline, salamat sa isang bonggang 2011!

Noong 2008, hiniling ko sa Diyos na gusto kong matulog maghapon dahil lagi akong kulang sa tulog, hindi ko akalaing matutupad iyon. Kaya naman ngayon, hihiling ulit ako. 2012! Bagong taon! Bagong panahon! Gusto ko nang magtrabaho, maghapon! Ha? Oo!

Isang masaganang bagong taon sa ating lahat!

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -