Daliri

PARENTAL ADVISORY

Advance warning is given to all the fans and critics out there that the next issue of "Wackylodeon - No Sense, Makes Sense!" will bring you a new literary talent to these nonsense artik with a modern day fictional story about Natre. It is felt that some of my readers at a young age must be aware that this story is aimed at an adult readers. Should this type of nonsense artik prove popular, future bloggers may include similar tales. Advance warnings will be given if some of you might copy the movie poster below. The rights to that movie poster is only given to Natre of Prestidigitation. So you better stop acting like a goat if you don't want to see me act in your life like a goat. Blistering barnicles! Thundering thypoons! Nit-witted! Sea-gearkins! STOP PIRACY!

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Isang gabi, sa ikatlong palapag ng A.R.T.S. Building, kung saan nagkaklase ang magkasintahang sina Alyssa at Wacky. Tahimik ang buong klase. Wala kang ibang maririnig na ingay kundi ang langitngit ng bentilador na mukhang bibigay na yata sa pagkakakabit nito sa kisame. At ang tik-tak ng orasan na nagsasabing alas sais y media na ng gabi. Ang atensyon ng buong klase ay nakatuon sa seatwork na ipinagagawa ng kanilang teacher sa Humanities na si Ma'am Uyehara.

Mula nang mangyari ang insidente, wala ng estudyanteng babae ang gumamit pa ng CR sa ikatlong palapag ng A.R.T.S. Building, dahil na rin sa takot na baka kung ano ang makita nila doon. Dahil din sa nangyari, hindi na makatulog ng mahimbing si Alyssa sa gabi. Kaunting kaluskos lang ang marinig nya sa kanyang kuwarto ay agad syang napapabalikwas sa takot. Kung minsan naman, napapanaginipan nya ang babaeng nakita nya sa loob ng CR. Sa tuwing mapapanaginipan nya ito, para bang may sinasabi ito sa kanya na hindi naman nya maintindihan kung ano. Lagi rin nyang nakikita sa kanyang panaginip ang isang lalaking may talukbong sa ulo at isang babaeng walang mukha.

Isa pa rin sa mga bagay na gumugulo sa kanyang isipan ay ang pamilyar na mukha ng babaeng nakita nya sa loob ng CR. Pakiramdam nya kase ay nakita na nya ito dati. Hindi lang nya maalala kung saan. Sa sobrang takot ay kinuwento nya ito kay Wacky at humingi ng advice kung ano ba ang dapat nyang gawin. Sinabi lang ni Wacky na magdasal na lang sila sa Panginoong Diyos.

Samantala si Wacky naman ay lagi ng nakakaramdam ng pananakit ng kanyang likod. Mula nang mauntog sya sa kanto ng pintuan ng kanilang classroom ay parang humina na ang kanyang balanse sa paglalakad. Para syang lasing na bigla na lang gigiwang sa tabi. Napansin ito ni Alyssa kaya pinayuhan sya nito na magpatingin sa doktor.

Lumipas ang mga araw, hindi na napanaginipan pang muli ni Alyssa ang babaeng nakita nya sa CR. Nakakatulog na rin sya ng mahimbing sa gabi. Ang lahat ay bumalik na sa normal maliban lamang kay Wacky na parang lasing pa rin kung maglakad. Sumasakit pa rin ang kanyang likod. Madalas nya itong maramdaman kapag gabi. Kaya hindi nya maiwasan ang maiyak kung minsan dahil sa sobrang sakit. Gusto nang sabihin ni Wacky kay Alyssa kung sino ang babaeng nakita nito sa CR at kung bakit sya nagsisigaw din sa kanilang classroom. Pero natatakot sya na baka iwanan sya ni Alyssa kapag nalaman nito ang tungkol sa kanyang nakaraan. Kaya nagdesisyon sya na huwag na lang munang sabihin kay Alyssa ang totoo.

Isang gabi sa bahay ni Alyssa, habang nagliligpit ng kanyang mga libro na ginamit nila ni Wacky sa paggawa ng project sa Humanities, ay napansin nyang naiwan pala ni Wacky ang cattleya nito. Ilalagay na nya sana sa bag ito nang hindi sinasadyang mabitawan nya ito, dahilan upang mahulog ito at magkalat ang mga nakaipit doon sa sahig. Agad nya itong dinampot at inayos nang mapansin nya ang larawan ng isang babae. Nang pagmasdan nya ang babae sa larawan ay napansin nyang parang nakita na nya ito dati. Pinilit nyang alalahanin kung saan nya ito nakita, at nang maalala nya kung saan nya ito nakita, ay bigla nya itong nabitawan dahil sa sobrang takot na kanyang naramdaman.

Ang babae sa larawan ay ang babaeng nakita nya sa loob ng CR sa ikatlong palapag ng A.R.T.S. Building. Ito rin ang babaeng nakita nya sa photo album ng kanyang teacher na si Ma'am Uyehara nang minsang magpunta sila ng kanyang mga classmate sa bahay nito. Napaisip ngayon si Alyssa kung ano ang koneksyon nito sa kanyang boyfriend at sa teacher nyang si Ma'am Uyehara.

Kinabukasan, pinuntahan ni Alyssa si Ma'am Uyehara sa bahay nito upang itanong kung sino ang babaeng nasa larawan. Nang makita ng kanyang teacher ang babae sa larawan ay hindi nito naiwasan ang mapaluha na ipinagtaka naman ni Alyssa. Ikinuwento nito kay Alyssa kung sino ang babaeng nasa larawan. Sinabi nito sa kanya na ito ang kaisa-isang estudyante na naging malapit sa puso nya. Si Katrina na mas kilala sa tawag na Natre. Isang Fine Arts student na nagtrabaho sa kanya as student assistant. Magaling magpinta si Natre at masasabing may pinagpala itong mga kamay, dahil karamihan sa mga pinipinta nito ay masasabi mong parang totoo at buhay na buhay. (Ows? Patingin nga!)

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -     
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 

Nalungkot si Ma'am Uyehara nang mabalitaan nya ang masamang nangyari kay Natre. Nangyari yun last school year. Hindi alam ni Alyssa ang tungkol sa pangyayaring iyon dahil isa syang transferee. Si Natre ay pinatay ng kanyang bestfriend na si Sumi sa room 310 ng ikatlong palapag ng A.R.T.S. Building malapit sa CR, mga bandang alas sais y media ng gabi. Hindi nila alam kung ano ang motibo ni Sumi para patayin si Natre. Nabaliw kase si Sumi matapos mangyari ang insidente. Marami ang nagulat at nalungkot sa nangyari. Hindi kase sila makapaniwala na magagawang patayin ni Sumi ang bestfriend nya mula pagkabata.

Isang linggo bago ang pagkamatay ni Natre, ay nagbiro ito kay Ma'am Uyehara tungkol sa pagtaya nito sa lotto.

"Ma'am! Pupunta po ako sa langit at hahanapin ko si san pedro… Pero hindi ko po alam kung kelan at paano ako makakarating doon… Pero pag nakita ko po sya… Hihingi po ako ng tip para manalo po kayo sa lotto…"

Hindi alam na Ma'am Uyehara na ang pagbibirong yun ay senyales na pala ng pamamaalam ni Natre.

Kinagabihan, nang magkita sila ni Wacky ay ipinakita nya rito ang larawan ni Natre at tinanong kung anong koneksyon nito sa babaeng iyon. Nagulat naman si Wacky dahil hindi nya inaasahan na makikita nito ang larawan ni Natre. Dahil nabuking na sya nito, wala na syang nagawa kundi sabihin ang totoo. Tutal matagal na rin naman syang naghihintay ng pagkakataon upang sabihin kay Alyssa ang tungkol sa kanyang nakaraan.

Nagsimula ng magkuwento si Wacky kay Alyssa ng tungkol sa nakaraan nya, nang biglang makarinig sila ng kalabugan sa loob ng kusina. Nagulat sila dahil wala namang ibang tao sa bahay ni Wacky kundi silang dalawa lang. Agad pumunta si Wacky sa kusina upang tingnan kung sinong tao ang nakapasok doon. Nagulat sya dahil wala namang tao sa loob pero kusang bumukas ang gripo at pagkatapos ay nagbagsakan ang mga kawali't kaldero sa sahig. Napatakbo si Wacky sa sala dahil sa sobrang takot. Si Alyssa naman ay agad lumapit sa kanya dahil sa sobrang takot na naramdaman din nito.

Alam ni Wacky kung sino ang nagpaparamdam sa kanya pero para makasiguro ay kinuha nito sa drawer ang kanyang Polaroid Impulse Camera. Napanood nya kase sa isang horror movie na may kakayahan itong makakita ng multo. Agad pumunta si Wacky ng kusina habang si Alyssa naman ay nanatili lamang sa may salas. Pagdating ni Wacky sa loob ng kusina ay agad syang kumuha ng isang larawan at pagkatapos ay tiningnan nya kung may nakuha syang multo. Nagulat sya sa kanyang nakita sa larawan. Si Natre na nakangiti sa kanya. Tinapon nya ang larawan sa sahig upang kumuha ulit ng larawan, pag-angat ng kanyang mukha ay napasigaw si Wacky sa takot dahil nasa harapan na nya mismo si Natre. Kaya biglang…

"Aahhh!!!!!" Sigaw ni Wacky matapos na sya ay gisingin ng kanyang teacher na si Ma'am Uyehara. Pinagtawanan sya ng kanyang mga classmates dahil nahuli na naman syang natutulog sa oras ng kanilang klase. Maya-maya nakarinig sila ng sigaw ng isang babae na nagmumula sa CR. Agad pumunta ang kanilang teacher upang alamin kung ano ang nangyayari doon. Sumunod na rin ang mga classmate ni Wacky. Tinanong ni Wacky ang isa nyang classmate na nasa may pintuan na kung sino ang nagsisisigaw sa CR. Sinabi nitong ang girlfriend nya dahil wala namang ibang pumunta ng CR kundi si Alyssa lang.

Dahil sa sobrang pag-aalala ni Wacky, agad itong tumakbo palabas upang alamin kung ano ang nangyayari sa kanyang girlfriend. Kaya sa sobrang pagmamadali, hindi sinasadyang tumama ang ulo nya sa kanto ng pintuan ng kanilang classroom, dahilan upang sya ay mahilo at matumba. Walang nakapansin sa nangyari sa kanya dahil ang iba nyang mga classmate ay mas nauna na sa kanyang nakalabas. Napansin na lang nya na dumudugo na ang ulo nya. Dumukot sya ng panyo sa bulsa at agad nya itong tinakpan upang mapigilan ang pagtulo ng dugo.

Samantala sa loob ng CR, nakita nila si Alyssa sa isang sulok. Nanginginig at nagsisisigaw sa takot. Ni ayaw silang tingnan ni Alyssa sa pag-aakalang baka makita nya uli ang babaeng putol ang mga daliri. Maya-maya, nakarinig naman sila ng sigaw mula sa kanilang classroom. Agad bumalik ang iba upang alamin kung sino ang sumisigaw doon. Pagdating nila doon, nagtaka sila dahil napansin nilang patay ang mga ilaw maliban lamang sa isang ilaw na nasa pasillio. Mula sa pintuan ng kanilang classroom, sinilip nila kung sino ang nasa loob. Nakita nila si Wacky na nagsisisigaw din sa takot, duguan ang ulo, at hindi mapakali na para bang may tinatanggal na kung ano sa kanyang likod.

Mabuti na ang ganito. Kapag ipinaliwanag ko pa, baka hindi mo na maintindihan. Kung may misteryo man ay dahil may kamangmangan. 

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Kinabukasan, usap-usapan sa buong campus ang nangyari kagabi sa ikatlong palapag ng A.R.T.S. Building. Marami ang nagtatanong kay Alyssa kung ano ang nakita nya sa loob ng CR at kung bakit nagsisigaw din sa takot ang kanyang boyfriend. Pero hindi nya sinabi kung ano ang nakita nya at hindi rin nya alam kung bakit nagsisigaw din sa takot ang kanyang boyfriend. 

Samantala sa isang psychiatric hospital, may isang doktor ang nag-i-interview sa isang babaeng may mahabang buhok na tumatakip sa mukha nito. Si Sumi. Pinakita ng doktor dito ang larawan ni Natre at nagsimulang magtanong kung ano ang kaugnayan nito sa babaeng nasa larawan. Nang biglang…

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 

A  T A L E  O F  T W O  B E S T  F R I E N D S

SOON!